முரண்களால் நிறைந்த வாழ்க்கை

31

புகை நமக்குப் பகை

புண்பட புண்பட

புகைத்துக்கொண்டிருக்கிறோம்

குடி குடியைக் கெடுக்கும்

மொடாக்குடியன்களாக

மாறிக்கொண்டிருக்கிறோம்

 

பெண்கள் நாட்டின் கண்கள்

பச்சைக்குழந்தையென்றும் பாராமல்

பலாத்காரம் செய்துகொண்டிருக்கிறோம்

 

இலஞ்சம் தவிர் நெஞ்சம் நிமிர்

எல்லா வேலைகளுக்கும் இலஞ்சத்தை

வாரியிறைத்துக் கொண்டிருக்கின்றோம்

 

தூய்மை இந்தியா

சாதி மதம் இன பேதம் பாராட்டி

முதலாளித்துவ ஊழல் அரசியலால்

அசுத்தப்படுத்திக் கொண்டிருக்கின்றோம்.

முரண்கள் அழகுதான்

இவை?